Posts Tagged ‘જુનાગઢ’

46મું ગુજરાતી સાહિત્ય પરિષદ – 2011 | ઝાલર ટાણે સહુને આવકાર | 24 ડિસેમ્બર, 2011

પરમદિવસથી અહિં રૂપાયતનમાં 46માં ગુજરાતી સાહિત્ય પરિષદની શરૂઆત થઇ ગઇ. હું ગઇ કાલે સાંજે રૂપાયતન આવ્યો. રૂપાયતને બહુ જ સરસ રીતે ગુજરાતી સાહિત્ય પરિષદનું આયોજન કર્યું છે. ગઇ કાલે તો સવારના જ્યારે સામૈયું થયું, ત્યારે તો બાપુએ રેકોર્ડ તોડી નાખ્યો. “સૌરાષ્ટ્ર કરે ગુજરાતનું સામૈયુ” ગીત જ્યારે ગાર્ગીબહેને ગાયું ત્યારે બાપુ પોતાને રોકી ન શક્યા અને સ્ટેજ પર જઇ રાસ – ગરબો લીધો. સૌએ પોતાનો આનંદ વ્યક્ત કર્યો.

આજ સવારના ગુજરાતી સાહિત્ય પરિષદનાં ફોટા જુઓ.

This slideshow requires JavaScript.

સક્કરબાગ પ્રાણીસંગ્રહાલયની મુલાકાતે

ગયા રવિવારે, અમે લોકો સક્કરબાગ પ્રાણીસંગ્રહાલયની મુલાકાતે ગયા હતા. ક્યાંક ફરવા જવુ, એવું વિચાર્યુ હતું, પણ શ્રેષ્ઠ જગ્યા કઇ ? ત્યારબાદ નક્કી કરવામાં આવ્યું કે સક્કરબાગની મુલાકાત ઘણા વર્ષોથી નથી લીધી. અને વળી સક્કરબાગમાં પણ ઘણાં ફેરફાર કરવામાં આવ્યા છે અને કેટલાક નવાં પ્રાણીઓનો પણ સમાવેશ કરવામાં આવ્યો છે.

તો ચાલો સક્કરબાગની મુલાકાતે….

સક્કરબાગની સ્થાપનાં ઇ.સ. ૧૮૬૩માં થઇ હતી. બહુ જ જુનું કહી શકાય તેવું સક્કરબાગ ઝૂ અમારા જુનાગઢનું ઘરેણુ છે… સક્કરબાગ આશરે ૨૦૦ એકેર જગ્યામાં પથરાયેલ છે. અને હજુ પણ જુનાગઢ કૃષી યુનીવર્સિટી દ્વારા અકુક જગ્યા આપવાના સમાચાર સંભળાય છે. સક્કરબાગ માટે સક્કરબાગ ઝૂઓલોજીકલ સોસાયટીની સ્થાપનાં પણ કરવામાં આવી છે. હવે માત્ર એક જરૂર છે સક્કરબાગની પોતાની ઓફીસીયલ વેબસાઇટ બનાવવાની. આવડું મોટું પ્રાણીસંગ્રહાલય અને તેને પોતાની વેબસાઇટ ન હોય ?

પહેલાતો સક્કરબાગમાં જતા વેત જે ટીકીટ વિન્ડો આવે છે, તેની જ જગ્યા બદલાવી દેવાઇ છે. અને સાદી – જુની ટીકીટોને બદલે હવે કોમ્પ્યુટરરાઇઝ્ડ અને વળી તે પણ ગીતા લોજની સ્પોન્સરશીપ વાળી ટીકીટો આપવામાં આવે છે.

ટીકીટો લઇને અમે અંદર પ્રવેશ્યા. અંદર પ્રવેશતાં જ એક નવું સંસ્કરણ કેન્દ્ર – Orientation Centre બનાવવામાં આવ્યુ છે. અહીં સક્કરબાગનો ઇતિહાસ તથા તમામ પ્રાણીઓ વિષેની પ્રાથમીક માહિતી આપવાનો પ્રયાસ કરાયો છે. સંસ્કરણ કેન્દ્ર ખુબજ સુંદર રીતે બનાવવામાં આવ્યુ છે. આખા સક્કરબાગનો નક્શો પણ તૈયાર કરવામાં આવ્યો છે.

અહીં થી પછી સક્કરબાગ પ્રાણીસંગ્રહાલયની શરૂઆત થાય છે. પહેલા પક્ષીઓ નો વિભાગ આવે છે. સૌપ્રથમ વિદેશી પક્ષીઓ – મોટા – મોટા પક્ષીઓ રાખવામાં આવેલ છે. મને તો અત્યારે એકેયનાં નામ યાદ રહ્યા નથી. ત્યારબાદ જંગલી પ્રાણીઓનો વિભાગ આવે છે. જેમાં ચિત્તા – કે જેને હમણાં જ એકાદ વર્ષ પહેલાં લઇ આવવામાં આવ્યા છે. અમે ગયા ત્યારે સક્કરબાગનાં કર્મચારીઓ તેનાં (ચિત્તા) પર ગરમી ન લાગે તેનાં માટે પાણીનો છંટકાવ કરતાં હતા. એ દરમિયાન જ સિંહની વિશાળ ગર્જના શંભળાતી હતી. પાછળથી ખબર પડી કે આ સિંહ હજુ નવો છે, અને તેને એક અલગ પાંજરામાં રાખવામાં આવે છે. ત્યારબાદ વિવિધ જંગલી જનાવરો જેવા કે વાઘ – સફેદ વાઘ, દિપડા, સિંહ, રીંછ વગેરે જોવા મળે છે. સિંહ જંગલનો રાજા ભલે કેહવાતો હોઇ, પણ અહીં તમને એ પોતાનું સામ્રાજ્ય હારી ગયો હોય, અને નિરાશ થઇ ગયો હોય તેવો નજરે પડે છે. બે  થી ત્રણ સિંહો હતા, બધા જ સુસ્ત રીતે પડેલ હતાં.

પછી તૃણભક્ષી પ્રાણીઓ જેવાં કે હરણ, સાબર, ઘુડખર વગેરે જોવા મળે છે. ત્યારબાદ શિયાળ, ઝરખ, વરૂ વગેરે. એની પહેલાં મગર, ઘડીયાર જેવાં જળચર પ્રાણીઓ પણ આવે છે. ત્યારબાદ સરીસૃપો જેમાં તમામ પ્રકારનાં સાપો અહીં રાખવમાં આવેલ છે. એક માછલી ઘર પણ અહી છે. જોકે માછલીઓ બહુ મોટા પ્રમાણ નથી.

સક્કરબાગની અંદર જ સફારી પાર્કમાં જવા માટે ટીકીટ મળે છે, જેમાં સિંહ વગેરે પ્રાણીઓ તમને બસમાંથી – છુટા બતાવવામાં આવે છે. પરંતુ અમે તો તેમાં ન ગયા. કારણ કે એટલો બધો તડકો – ગરમી હતી કે સિંહ જોવા મળે એવી કોઇ શક્યતા હતી નહિં…

ગીરનારની લીલી પરિક્ર મા

કાલે વરસાદને કારણે ગીરનારની લીલી પરિક્રમા રાત્રી પુરતી બંધ કરવામાં આવી હતી. કાલે અહી ગીરનારમાં સારો એવો વરસાદ આવવાથી આગળ પરિક્રમાનો રસ્તો કાદવ કીચડ વાળો થયી ગયો હતો. આના કારણે જુનાગઢ મહાનગર પાલિકા દ્વારા રાત્રીના પરિક્રમાં માર્ગ બંધ કરવામાં આવ્યો હતો. આમ છતાં પરિક્રમાંનું વિધિવત ઉદ્ઘાટન કરવામાં આવ્યું હતું. ઉદ્ઘાટન પ્રસંગે શ્રી વજુભાઈ વાળા ઉપસ્થિત રહ્યા હતા. તેઓએ કહ્યું હતું કે ગીરનારની આ પરિક્રમાં વર્ષોથી થતી આવે છે અને થતી રહેશે. ગઈ રાત્રીનાં 12 વાગ્યે ઉદ્ઘાટન કર્યા બાદ લોકો ને સુઈ જવા કહેવામાં આવ્યું હતું અને અત્યારે ફરીથી સવારના 7 વાગ્યેથી જવા દેવામાં આવે છે. ઘણા બધા વિઘ્નો હોવા છતાં શ્રદ્ધાળુઓ પરિક્રમાં કરી રહ્યા છે.